Britaniyanın “Polymetal” İnternational şirkəti nəhayət ki, Polymetal ASC-nin səhmlərinin 100%-ni Sergey Yançukovun Mangazeya qrupunun strukturuna satmaq üzrə sövdələşməni bağlayıb. Ümumi əməliyyat məbləği 3,7 milyard dollar təşkil edib ki, bunun da “Polymetal” 300 milyon dollarını vergilərdən sonra nağd şəkildə alacaq. 

Valyuta.az xəbər verir ki, bunu “Polymetal” saytında yerləşdirilən məlumat sübut edir.

Şirkətin rəhbəri Vitali Nesisin sözlərinə görə, Rusiya aktivlərinin satışı xarici borcun 2,2 milyard dollar azaldılmasına və 1,04 milyard dollarlıq qrupdaxili borcun tam ödənilməsinə imkan verib. Sövdələşmə bağlandıqdan sonra “Polymetal”ın xalis nağd vəziyyəti təxminən 130 milyon dollar təşkil edir.

“Biz şadıq ki, səhmdarlar Rusiyadan çıxışı dəstəklədilər. Müqavilənin bağlanması ilə əsas risklər bərabərləşdi və indi rəhbərlik may ayında yeni strategiya təqdim edəcək”, - Nesis bildirib.

“Polymetal”ın alınması son illərdə Rusiya mədən sənayesində ən böyük M&A əməliyyatı olub. Səhmdar cəmiyyət  Rusiya Federasiyasındakı bütün “Polymetal” istehsal aktivlərinə - Maqadan, Sverdlovsk vilayəti, Xabarovsk diyarı, Yakutiya və Çukotkadakı müəssisələrə  nəzarət edib.

Rusiyadan ayrıldıqdan sonra “Polymetal” Qazaxıstandakı Qızıl və Varvarinskoye mədənlərini , həmçinin İrtış MMC-nin inkişaf layihəsini əlində saxlayıb. Ən böyük səhmdarlar Omanın Mercury Investments (23,9%) və BlackRock (7,5%) şirkətləridir.

Əslində, sövdələşmə Britaniya şirkətinin səhmdarlarının martın 7-də təsdiqindən sonra bağlanıb.

Qeyd edək ki, fevralın ortalarında Vladimir Putin fərmanla “Polymetal” səhmləri ilə sövdələşməyə icazə verib.

Nicat