Hava nəqliyyatı üzrə sərnişindaşımadakı artımın səbəbi nədir?
Bu ilin fevral ayında Bakı Hava Limanı 471 mindən çox sərnişinə xidmət göstərib. Bu, 312 min sərnişinin daşındığı ötən ilin müvafiq dövrü ilə müqayisədə 50,7 % çoxdur.
Heydər Əliyev Beynəlxalq Aeroportundan verilən məlumata görə, fevral ayında 13-ü aşağı büdcəli (loukoster) olmaqla, 33 aviaşirkət 3853 reys həyata keçirib.
Beynəlxalq istiqamətlər üzrə sərnişin daşımalarının 50,5% xarici aviaşirkətlərin, qalan hissəsi isə milli aviadaşıyıcının payına düşüb. Xarici aviaşirkətlər 215 mindən çox, “Azərbaycan Hava Yolları” isə 211 min sərnişinə xidmət göstərib. Naxçıvan istiqamətində 44 mindən çox sərnişin daşınıb.
Valyuta.az-a açıqlama verən iqtisadçı ekspert Emin Qəriblinin fikrincə, hava nəqliyyatı üzrə sərnişin daşımadakı 50 faizlik artıma quru sərhədlərinin bağlı olması və iqtisadi inkişaf öz təsirini göstərib:
“Azərbaycanın xarici iqtisadi əlaqələri və imkanları artır. Bu fonda aydın məsələdir ki, hava nəqliyyatı ilə sərnişin daşınmaları da artmalıdır. Hava nəqliyyatında sərnişin daşımanın artmasında ikinci amil isə quru sərhədlərinin bağlı olmasıdır. Ona görə də əhali hava nəqliyyatına üstünlük verməli olub. Quru sərhədlərinin açılması fonunda hava nəqliyyatı ilə sərnişin daşımada stabillik də olacaq”.
Digər tərəfdən həmsöhbətimizə görə, prosesə AZAL-da baş verən dəyişikliklər də öz təsirini göstərib:
“AZAL-dakı dəyişikliklərlə biletlərin qiyməti müəyyən qədər ucuzlaşıb. Belədə daha çox insanın hava nəqliyyatından istifadə etməsinə imkanlar yaranıb. Azərbaycana gələn qonaqların da sayı artır”.
Ramiz
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay