"Hər bir şəxs istər sağlığında, istərsə də öləndən sonra olsun borcuna görə əmlakı ilə cavabdehdir. Əgər şəxs vəfat edibsə, nəsə bir əmlakı qalıb və vərəsələrinə keçirsə, onlara çatan əmlak həddində həmin borc bağlanılır".

Bunu Valyuta.az-a açıqlamasında vəkil Əkrəm Həsənov ata öldükdə banka zaminsiz olan kredit borcunun kim tərəfindən ödənilməsi ilə bağlı suala aydınlıq gətirərkən deyib. 

Vəkilin sözlərinə görə, vərəsələr mirası qəbul eləməsələr, avtomatik olaraq əmlak dövlətə qalır:

"O zaman dövlət həmin əmlak həddində borcu qaytarmalıdır. Yox, heç bir əmlak yoxdursa, yaxud da əmlak kifayət etmirsə, borc silinir. Məsələn, şəxsin 5 min borcu var, amma 10 min manatlıq əmlakı qalıb. Əmlak kimə çatırsa, onun 5 min borcunu qaytarmalıdır. Yox heç kim qəbul etmir və dövlətə qalırsa, o zaman dövlət ödəyir. Və yaxud da tərsinə, əgər borcu 10 mindirsə və əmlakı 5 min qalıbsa, kimə çatırsa onu bağlayır, qalan 5 min isə silinir".

Aylin