2023-cü ildə Azərbaycan regionlarında əsas kapitala investisiyalar 2022-ci illə müqayisədə 25% çox olub.

Valyuta.az xəbər verir ki, bunu iqtisadiyyat naziri Mikayıl Cabbarov "X" sosial şəbəkəsindəki hesabında bildirib.

"Ötən il regionlara investisiya qoyuluşu 10,1 milyard manat təşkil edib", - deyə o qeyd edib.

Regionlarda əsas kapitala investisiyanın artmasının bölgələrin inkişafında görəsən nə kimi rolu var? 

Valyuta.az-a açıqlamasında maliyyə-bank eksperti Əkrəm Həsənov bildirir ki, böyük ehtimalla burada söhbət dövlət və ya dolayısı ilə ona bağlı şirkətlərinin əsas kapitala qoyduqları investisiyadan gedir:

“Regionlar üzrə əsas kapitala bu qədər əlavə investisiyanın qoyulması bölgələrin inkişafı baxımından hər bir halda mühüm addımdır. Əgər proses düzgün idarə olunursa. Sadəcə, əsas kapitala əlavə investisiyanın regionlar üzrə hansı sahələrə qoyulduğunun açıqlaması verilmir. Böyük ehtimalla burada söhbət dövlət və ya dolayısı ilə ona bağlı şirkətlərinin əsas kapitala qoyduqları investisiyadan gedir. Amma özəl şəxslərin regionlara gedib kapitala qoyuluş etdiklərinə inanmıram”. 

Ramiz