“Birləşmiş Ərəb Əmirliyində siyasi rejim sərt olsa da iqtisadiyyatda qanunlar saat kimi işləyir”.

Bunu Valyuta-az-a açıqlamasında iqtisadi ekspert Əkrəm Həsənov Azərbaycan və BƏƏ-nin arasında qiymətli kağızlar bazarının inkişafı ilə bağlı aparılan müzakirənin nəticələrindən danışarkən deyib. Ekspert bildirib ki, Mərkəzi Bank bir sıra ölkələrlə görüşlər keçirdiyini qeyd edib:

“Bu görüşlərin nəticələri ilə bağlı danışmaq tezdir. Birləşmiş Ərəb Əmirlikləri bir çox məsələlərdə bizim üçün çox yaxşı nümunədir. Bəzən deyirlər ki, Azərbaycanda ərəblərin əlindən tərpənmək mümkün deyil. Həmin bu ərəblər orada çox sərt siyasi rejim şəraitində çox inkişaf etmiş bir iqtisadiyyat qurub. Hamı da həmin iqtisadiyyata maliyyə qoymaq istəyir. Onlar bizim üçün üçün örnək ola bilərlər. Onlar buna necə nail olublar? Qayda-qanun və şəffaflıqla”.

Əkrəm Həsənov BƏƏ-də bütün biznesin şəffaf olduğunu diqqətə çatdırıb:

“Biz də gərək bunu örnək götürək”.

Qeyd edək ki, Azərbaycan və BƏƏ qiymətli kağızlar bazarının inkişafını müzakirə edib. Mərkəzi Bankın nümayəndə heyətinin Birləşmiş Ərəb Əmirliklərinə (BƏƏ) səfəri çərçivəsində BƏƏ-nin Qiymətli Kağızlar və Əmtəələr Təşkilatının nümayəndələri ilə görüşü keçirilib.

Aylin