Ekspert idxal benzininin gömrük rüsumundan azad edilməsinin səbəbini açıqladı
Baş nazir Əli Əsədov yeni qərar imzalayıb. Ona əsasən Nazirlər Kabineti 17 noyabr 2017-ci il tarixli qərarı ilə təsdiq edilmiş “Xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri”ndə dəyişiklik edilib.
Qərara əsasən, bu gündən ölkəyə idxal olunan benzin gömrük rüsumundan azad edilib.
Bundan başqa, Nazirlər Kabineti 19 yanvar 2001-ci il tarixli qərarı ilə təsdiq edilmiş ölkə ərazisinə gətirilən aksizli malların aksiz dərəcələrində dəyişiklik edib.
Yeni qərara əsasən, bu ilin sonuna qədər aviasiya benzinləri istisna olmaqla mühərrik benzinlərinin hər tonu üçün üçün aksiz vergisi 200 manatdan 1 manata endirilib, eləcə də emalın spesifik prosesləri üçün qazoylların və proseslərdə kimyəvi çevrilmələr üçün qazoylların hər tonu üçün aksiz vergisi 80 manat müəyyən edilib, həmçinin bu ilin sonuna qədər digər qazoylların hər tonu üçün aksiz vergisi 80 manatdan 1 manata endirilib.
Valyuta.az-a açıqlamasında neft-qaz məsələləri üzrə ekspert İlham Şaban bildirir ki, idxal benzininin gömrük rüsumundan azad edilməsi Heydər Əliyev adına Neftayırma Zavodunun cari təmirə bağlanması ilə əlaqədardır:
“2015-ci ildən başlayaraq ildə bir dəfə Nazirlər Kabineti belə qərar verir. Bu da Heydər Əliyev adına Neftayırma Zavodunun cari təmirə bağlanması ilə əlaqədardır. Təmir müddətində anbarlarda olan neft məhsulları ölkənin daxili tələbatını ödəmək üçün kifayət etmədiyindən aşağı oktanlı benzin və dizelin idxalına yol açılır. Bundan da məqsəd bazarda həmin məhsulların qiymətinin yuxarıya doğru istiqamət götürməklə dəyişməsinə əngəl olmaqdır. Ona görə də Nazirlər Kabineti rüsumları aşağı salır, faktiki olaraq sıfıra endirir”.
Ramiz
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay