“Paytaxtda evlərini kirayə verən mülk sahibləri əsasən Yasamal rayonunda yaşayanlardır”.

Valyuta.az-a açıqlamasında bunu əmlak məsələləri üzrə ekspert Rövşən Talıbzadə kirayənişinlərin əsasən Bakının hansı rayonlarında məskunlaşdığı barədə suala cavabında deyib:  

“Paytaxt Bakıda mənzillərini kirayəyə verən əhali əsasən Yasamal rayonunda yaşayan sakinlərdir. Kirayə mənzillərə daha çox tələbələrin tələbatı yaranır ki, onların təhsil aldıqları ali məktəblər də əsasən Yasamal rayonu ərazisində yerləşir. Bu səbəbdən də kirayəyə kütləvi ehtiyac məhz Yasamal rayonu ərazidindədir. Tələbələr əsasən də Yasamalın Sovetski ətrafı və Yeni Yasamal ərazisindəki həyət evlərində məskunlaşıblar. Bu ərazilərdə bir tələbənin qalması üçün kirayə haqqı 100-150 manat arasında dəyişir. 

Paytaxtda kirayənişinlərin məskunlaşdığı digər ərazilər isə əsasən mərkəzdən kənarda yerləşən rayonlardır, yəni Binəqədi, Sabunçu, Suraxanı. Bu rayonlarda məskunlaşan kirayənişinlər əsasən iş dalınca ölkənin başqa ərazilərindən gələnlərdir”. 

Ekspert qeyd edir ki, şəhərin Səbail və Nərimanov rayonları və xüsusən də bu rayonlardakı metro ətrafı ərazilər daha çox xaricdən gələn qonaqların ev kirəyələdiyi məkanlardır: 

“Burada kirayə qiymətləri çox bahadır. Bu ərazilərdə kirayə haqlarının qiyməti min manatdan başlayır”.

Ramiz