“Şəfəq” günəş elektrik stansiyasının tikinti layihəsi üzrə yekun investisiya qərarı qəbul olunacaq
Cəbrayıl rayonunda tikiləcək “Şəfəq” (Sunrise) günəş elektrik stansiyasının tikinti layihəsi üzrə yekun investisiya qərarı bu ilin ikinci yarısında qəbul olunacaq
Valyuta.az xəbər verir ki, bunu jurnalistlərə açıqlamasında BP-nin Xəzər regionu üzrə vitse-prezidenti Bəxtiyar Aslanbəyli deyib.
Onun sözlərinə görə, hazırda xırda texniki, kommersiya məqamları dəqiqləşdirilir və bu ilin ikinci yarısında yekun investisiya qərarı veriləcək.
Vitse-prezident onu da əlavə edib ki, layihə üzrə təməlqoymanın bu il qoyulacağı gözlənilir.
Xatırladaq ki, 240 MVt gücündə “Şəfəq” günəş elektrik stansiyasının tikinti layihəsinin 2025-ci ilin sonunadək həyata keçiriləcəyi gözlənilir.
Qeyd edək ki, günəş elektrik stansiyasının ilkin dəyəri 200 milyon ABŞ dolları məbləğində proqnozlaşdırılır.
Qeyd edək ki, ötən ilin sentyabrında SOCAR, BP və AİŞ arasında Qoşulma Sazişi imzalanıb. Bu sənəd SOCAR-ın və AİŞ-in “Şəfəq” layihəsinə daxil olmaq niyyətini əks etdirir.
Ötən il iyunun 3-də Energetika Nazirliyi və BP GES-in tikintisi layihəsinin qiymətləndirilməsi və həyata keçirilməsi fəaliyyəti üzrə əməkdaşlığa dair İcra Sazişi imzalayıblar. Bu sənədə işğaldan azad olunmuş ərazilərdə “yaşıl enerji” zonasının yaradılması, Azərbaycanın bərpa olunan enerji sektorunun inkişafı ilə bağlı strateji qərarı və 2030-cu ilədək karbon qazı emissiyalarını 35 %-dək azaltmaq öhdəliyinin, BP-nin isə 2050-ci ilədək “xalis sıfır emissiya”lı şirkətə çevrilmək strategiyasının icrası çərçivəsində imza atılıb.
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay