Bankların dollar tələbinin 151 milyona çatması devalvasiyadan xəbər verir?
Fevralın 8-nə olan göstəricilərə görə bankların dollar tələbi 61.4 milyon ABŞ dollar olub. Fevralın 13-nə olan göstəricilərə görə isə bu rəqəm 151.1 milyon dollara çatıb. Bu tələbin artması insanlar arasında ajiotaj yaradıb. İnsanlar devalvasiyanın olacağını, nə vaxt olacağını və s. kimi fikirlər səsləndirirlər. Bəs bankların dollar tələblərinin sürətlə artmasının səbəbi nədir? Bu, devalvasiyanın olacağından xəbər verirmi?
Bu barədə Valyuta.az-a danışan iqtisadçı Natiq Cəfərli bildirib ki, dollara tələbatın artmasının əsas səbəblərindən biri ilin əvvəli olması ilə əlaqədardır: “İlin əvvəlində müxtəlif büdcə xərcləmələri açılır. Həm tikinti, həm də bəzi layihələrin davamı ilə bağlı xaricdən alınan sifarişlərin həcmi də artır. Eyni zamanda, dollar ətrafında nədənsə çox ajiotaj yaranıb, əlaqədar qurumlar da gözləntiləri idarə edə bilmirlər. Bu ajiotaj getdikcə böyüyür. Mənə də devalvasiyanın olması ilə əlaqədar gün ərzində onlarla suallar ünvanlanır. Belə bir ajiotaj yaranıb və bu gözləntiləri əlaqədar orqanlar idarə etməkdə çətinlik çəkirlər. Bunu aşağı çəkmək lazımdır. Bu ajiotajın özü də valyutaya olan tələbatın artmasına səbəb olur”.
Əvəz Həsənov
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay