“Dollara tələbin artmasının bir neçə səbəbi var. Bulardan biri ilin əvvəlində təhcizat və idxal həcmlərinin artması ilə əlaqədardır”.

Bunu Valyuta.az-a açıqlamasında iqtisadçı ekspert Eyyub Kərimli fevralın 13-də keçirilən hərracda 151.1 milyon dollar satılmasının səbəblərindən danışarkən deyib. Ekspert qarşıdan gələn bayram günlərində dollara tələbin yenidən artacağını bildirib:

“Qarşıdan bayram gəlir. Yəqin ki, bayram hazırlıqları da olacaq. İkinci məsələ odur ki, biz idxaldan daha çox asılı ölkəyik. Ötən ilin göstəricilərinə əsasən idxal 5%  artıb və xaricdən ölkəyə gətirilən bəzi məhsulların da qiyməti artıb. Sözsüz ki, bu da öz təsirini göstərir”.

Ekspert son günlər əhali arasında yaranan ajiotajın da dollara tələbin artmasının səbəblərindən olduğunu önə çəkib:

“Kimlərsə dolların məzənnəsinin artması haqqında fikir yayırlar. Bu da vətəndaşların psixologiyasına təsir edir. Hesab edirəm ki, təsirlərdən də biri budur. 

Sözsüz ki, bu məsələyə Mərkəzi Bankın aydınlıq gətirməsi lazımdır”.

Qeyd edək ki, bu gün keçirilən hərracda rekord məbləğdə dollar satılıb. Bankların bu günki sifarişi 151.1 milyon dollar olub. 

Aylin