“BRİKS-in belə imkanlara malik olduğunu düşünmürəm”
“BRİKS-in belə imkanlara malik olduğunu düşünmürəm”.
Valyuta.az-a açıqlamasında bunu iqtisadçı ekspert Natiq Cəfərli BRİKS ölkələrinin ortaq valyutaya keçmək niyyətini şərh edərkən deyib:
“BRİKS-də ortaq valyutanın buraxılması uzun illərdir müzakirə olunur. Amma bu ölkələr daxilində və aralarında ciddi problemlər mövcuddur. Əsas problem də Hindistanla Çin arasında yaşanır. Ona görə də BRİKS-in vahid valyutasının olması ideyası heç də asan proses deyil. Onun dollara alternativ olması isə ümumiyyətlə müzakirə predmeti ola bilməz. Dünyada Çin yuanı getdikcə güclənir. Dünyanın valyuta rezervləri siyahısına daxil edilib. Beynəlxalq Valyuta Fondu da rezerv valyuta kimi yuanı tanıyıb. Belədə ən mümkün variant BRİKS-in Çin yuanına keçməsidir. Hansısa bir ortaq pul vahidinin buraxılması ağır prosesdir. Avropa Birliyi uzun illərdən sonra vahid pula keçib. Ümumi qanunvericilik bazası, girgə ümumi mərkəzi bank yarandıqdan sonra avronu dövriyyəyə buraxa bildilər. BRİKS-in isə birgə maliyyə siyasəti, birgə mərkəzi bankları, ümumiləşdirilmiş pul siyasəti yoxdur. Çin yuanı isə gələcəkdə BRİKS-in əsas ödəmə vasitəsinə çevrilə bilər”.
Qeyd edək ki, xarici ölkə mətbuatında sıralarının genişlənəcəyini bəyan edən BRİKS+ ölkələrinin ortaq valyuta buraxacaqları barədə məlumatlar yer alıb. Hətta iddia edirlər ki, bu valyuta dolların hegemonluğuna da son qoyacaq.
Ramiz
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay