Azərbaycanda fəaliyyət göstərən fitnes klublarda orta aylıq qiymət 34 dollara (59 manata) bərabərdir.

Yeniavaz.com xəbər verir ki, bu məlumat dünyanın nəhəng məlumat bazalarından biri hesab olunan “Numbeo” da yer alıb.

“Numbeo”nun məlumatına görə region ölkələri arasında ən aşağı qiymət İranda qeydə alınıb. Bu ölkədə fitnes klublarda orta aylıq qiymət 15 dollar (25 manat) təşkil edir. Sonrakı yerlərdə 23 dollarla (39 manat) Ukrayna, 27 dollarla (46 manat) Rusiya, 30 dollarla (51 manat) Belarus, 31 dollarla (53 manat) Türkiyə, 48 dollarla (82 manat) Qazaxıstan, 49 dollarla (83 manat) Gürcüstan, 62 dollarla (105 manat) Ermənistan qərarlaşıb.

Dünyada fitnes klublar üçün ən yüksək orta aylıq qiymət Qətərdə qeydə alınıb. Qətərdə fitnes klublarda orta aylıq qiymət 121 dollar (206 manat) təşkil edir.

Ən aşağı qiymət isə Şri Lankada və Pakistanda (12 dollar) qeydə alınıb.