"Ölkədə toxumçuluq bərbad haldadır"
“Ölkədə toxumçuluq bərbad haldadır. Bununla bağlı hər hansı bir iş aparılmır”.
Bunu Valyuta.az-a açıqlamasında iqtisadçı ekspert Vahid Məhərrəmli deyib. Ekspert hesab edir ki, əgər bu sahəyə peşəkarlar gəlsə yenidən canlanma yaranacaq:
“Toxum siyasəti qorunmalıdır. Gəlin görək bunu edə bilirik? Gədəbəyin ağ-çiçək kartof sortu var idi? Ondan əsər-əlamət yoxdur. Hanı onlar? Həmin toxumlar yoxa çıxıb. Yaxın bir neçə ildə Azərbaycanı olduqca çətin vəziyyət gözləyir. Ərzaq ehtiyacımızın yarısı xarici ölkələrdən təmin olunur”.
Ekspert hibrid toxumların ən yaxşı sortlardan əldə edildiyini vurğulayıb:
“Bu toxumların heç bir problemi yoxdur, rahat şəkildə istifadə edə bilərlər. Həmin toxumlarla yetişən bitkilərin stess amilinə dözümlülüyü çox, məhsuldarlıq yüksək olur. Azərbaycan sovetlər ittifaqı dağılandan sonra toxum istehsalı ilə məşğul olmur. Bütün toxumçuluq təsərrüfatları dağlıb. Ölkəyə toxum xarici ölkələrdən gətirilir. Toxumlar əsasən Avropadan, Türkiyədən, Rusiyadan gətirilir”.
Aylin
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay