Son zamanlar Azərbaycana səyahət etmək üçün gələn xarici turistlərin axını ilə yanaşı, onlar arasında ölkəmizdə ov etmək həvəsilə gələnlərin sayı da artır. Bu xüsusda əsasən də ərəb mənşəli turistlər xüsusi canfəşanlıq göstərirlər. Onlar Azərbaycan faunasının nadir heyvan və quşlarını ovlamadan sanki həzz alırlar. Belədə isə bəzi fauna növlərinin kökünün kəsilməsi təhlükəsi yarana bilər. Bu əsasda bir çoxları düşünür ki, xaricdən gələnlərin Azərbaycanda ov etməsinə qadağa qoyulmalıdır.

Mövzu ilə bağlı Valyuta.az-a açıqlamasında Azad İstehlakçılar İctimai Birliyinin sədri Eyyub Hüseynov da əcnəbilərə Azərbaycanda ov etmələrinin qadağan olunmasının tərəfdarıdır:

“Bu məsələ həqiqətən də Azərbaycan cəmiyyətini son zamanlar çox narahat etməyə başlayıb.

Yeni Zelandiyada ətraf mühit elə qorunur ki, ceyranlar, marallar açıq çöldə, göz önündə otlayır. Heç kim onlara toxunmur. Ölkəmizdə də ətraf mühitə Yeni Zelandiyada olduğu kimi yanaşılsa, Azərbaycanın fauna və florası da qorunardı. Bu mənada xarici turistlərin Azərbaycanda ov etmələrinə qadağa qoyulmalıdır. Bu istehlakçıların istəyidir. Həvəskar ovçu olaraq deyə bilərəm ki, artıq yerli ovçulara belə imkan qalmayıb. Məhz əcnəbi ovçuların fəaliyyəti nəticəsində Azərbaycanın faunası da məhv olmaq üzrədir”.

Ramiz