Bir çox şəxslər biznes quran zaman başqa bir yerdə çalışır. Paralel şəkildə işləyir. Lakin bəzən onlara məsləhət görülür ki, işindən ayrılıb biznesinə fokuslanmasan, o biznesin uğurlu olma ehtimalı aşağıdır. Bəs biznesimizi quran zaman işimizi tərk etməliyik, yoxsa ikisini birdən uğurlu şəkildə idarə etmək olar?

Bu barədə Valyuta.az-a danışan biznes təlimçisi İlham Əfəndiyev bildirib ki, bu praktikada mövcuddur, eyni zamanda şirkətdə işləyən, hətta xaricdə işləyən şəxs də biznes yaradır və bu biznes uğurla irəliləyir:

“Təcrübəyə baxaraq fikir bildirsək, fərqli nümunələr görə bilərik. Elə şəxslər var ki, biznes yaradan zaman işini tərk edir və bütün fokusunu biznesə yönəldir. Bir qisim şəxs isə hər iki işi paralel həyata keçirir. Yəni hər iki modeldə işləməklə uğurlu biznes yaratmaq olar. Amma uzaqdan da biznesi idarə etmək də mümkündür. Bu, biznesin hansı inkişaf mərhələsində olmasından asılıdır. Əlbəttə ki, sahibkar biznesə nə qədər yaxın olsa, nə qədər çox vaxt ayırsa, həmin biznes o qədər çox inkişaf edə bilər”.

Əvəz Həsənov