2023-cü ildə ölkəmiz 89 milyon 858 min ABŞ dolları dəyərində 501 min 571 ton həcmində metanol (metil spirti) ixrac edib. 

Valyuta.az Dövlət Gömrük Komitəsinə istinadən xəbər verir ki, bu rəqəm 2022-ci illə müqayisədə həcm olaraq 0.5% və ya 2 min 762 ton, dəyər olaraq 32%, yaxud da 42 milyon 074 min ABŞ dolları həcmində azdır.

2023-cü ildə Azərbaycanın ixrac etdiyi metil spirtinin qiyməti bir ton üçün 179 ABŞ dolları olub. Bu, 2022-ci illə müqayisədə 31%, yaxud da 82 ABŞ dolları azdır.

Əvəz Həsənov