“Azərbaycanda insanlar daima yeni iş yerləri axtarır”.

Bunu Valyuta.az-a açıqlamasında iqtisadçı ekspert Xalid Kərimli deyib. Ekspert hər il işçi qüvvəsinin sayının artdığını və bunun 3 səbəbi olduğunu qeyd edib:

Birincisi, orta məktəbi və universiteti bitirənlər hər il iş axtaranlar siyahısına əlavə edilir. İkincisi, təqdim edilən statistika yeni iş yerləri ilə bağlı məlumat versə də bağlanan iş yerləri haqqında məlumat vermir. Üçüncüsü, burada iş yerlərinin daimi və uzun müddətli olub-olmamasına dair də məlumat yoxdur. Bir-iki aylıq işlər də yeni iş yerləri kimi təqdim oluna bilər”.

Ekspert bu məsələdə tələbin yüksək olduğunu hesab edir:

“Azərbaycanda əmək haqqlarının səviyyəsi yüksək deyil. Orta aylıq əmək haqqı  929-930 manat, qonşu Ermənistanda isə bu rəqəm 1100 manata yaxınlaşır. Minumum əmək haqqı 345 manatdır. Nə əmək haqqlarının səviyyəsi yüksəkdir, nə də dayanıqlı iş yerləri var".

Qeyd edək ki, Dövlət Statistika Komitəsinin məlumatına görə, 2023-cü yanvar-sentyabr ayları ərzində Bakı şəhərində 9787 yeni müəssisə və təşkilat, 17 370 isə fərdi sahibkarlıq subyektləri yaradılıb.

Ötən ilin yanvar-sentyabr aylarında Bakıda 48 989 yeni iş yeri yaradılıb.

Aylin