Balıq kəskin ucuzlaşa bilər
Balıq kəskin ucuzlaşa bilər.
Balıq satışı ilə məşğul olanların sözlərinə görə, bazara xarici məhsulların kütləvi şəkildə daxil olması qiymətləri 50 faizə qədər endirə bilər.
Sahibkarlar bildiriblər ki, bir neçə il öncə də ucuzlaşma müşahidə olunub.
Belə ki, maya dəyəri 10 manata olan balıq, dörd manata təklif edilib.
Hazırda isə bazarda balıqların qiymətləri 8-18 manat arasında dəyişir.
Maraqlıdır, xaricdən gətirilən balıqlar daxil bazarda qiyməti ucuzlaşdıracaq?
Məsələni "Cebhe.info"-ya şərh edən Liberal İqtisadçılar Mərkəzinin sədri Akif Nəsirli bildirib ki, daxil bazarda balığın qiyməti kifayət qədər bahadır:
"Söhbət dəniz, həm də xüsusi qaydada yetişdirilmiş ("tamba") balıqlardan getmir. Xüsusi qaydada yetişdirilmiş balıqlar istehlakçılara əlçatan qiymətə təklif olunur. Lakin istehlakçılar həmin balıqların dadlı olmadığı üçün tükətmirlər. Daxil bazarda satılan çay balıqları isə kifayət qədər bahadır. Təxminən 12-13 manatdan başlayır. Bu daxili istehlak bazarı üçün elə də ucuz deyil.
Hazırda bazarda istehlakçılar üçün əlcatan kilkə və çapaq balıqlardır. İstehlakçılara təxminən 3-4 manat arası dəyişən qiymətlərlə təklif olunur. Qeyd edim ki, çəkisi 150-200 qram civarında olan çapaq balığı əhali üçün əlçatan olduğu üçün bazarda buna tələbat var. Çapaq balığı təxminən 7-8 manata təklif olunur”
Ekspert ölkəyə xaricdən gətirilən balıqlardan da danışıb:
"Xaricdən gətirilən balıqların qiyməti bazarda ucuz deyil. Məsələn, Gürcüstandan ölkəmizə gətirilər forel balığı bazarda təxminən 14-15 manata təklif olunur. Zənnimcə, balığın ucuzlaşması üçün bir stimul yoxdur. Əgər bazara Həştərxandan ucuz balıq gətirilib maya dəyəri 10 manata olduğu halda 4 manata təklif olunursa, o zaman balığın ucuzlaşmasını gözləmək olar”.
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay