Bu həftə keçirilən Mərkəzi İqtisadi İş Konfransından sonra Çin rəhbərliyi daxili tələbi stimullaşdırmaq, strateji sənayelərin inkişafını prioritetləşdirmək və 2024-cü ildə daşınmaz əmlak böhranını həll etmək planlarını açıqlayıb. 

Valyuta.az xəbər verir ki, bu barədə CNBC məlumat yayıb.

"Ölkə iqtisadiyyatını daha da dirçəltmək üçün hələ də kifayət qədər tələbat, müəyyən sektorlarda həddindən artıq istehsal, zəif sosial gözləntilər və bir çox gizli risklər də daxil olmaqla bir sıra çətinliklərin öhdəsindən gəlməlidir", deyə Çin rəsmiləri bildirib.

Bu problemləri həll etmək və ÜDM-in artım tempini bərpa etmək üçün digər məsələlərlə yanaşı, sənayenin texnoloji modernləşdirilməsini, innovasiyaların və yaşıl texnologiyaların dəstəklənməsini, xarici investisiyaların cəlb edilməsini və ərzaq təhlükəsizliyinin artırılmasını nəzərdə tutan doqquz bənddən ibarət inkişaf planı müəyyən edilib.

Sənəddə qeyd olunur ki, hakimiyyət daşınmaz əmlak sektorunda risklərin azaldılmasına, regionların və yerli maliyyə qurumlarının borc problemlərinin həllinə, həmçinin özəl şirkətlərə hərtərəfli dəstək göstərilməsinə xüsusi diqqət yetirəcək.

Paşa Məmmədli