Azərbaycanın qeyri-neft məhsullarının ixracında xurma əsaslı paya malikdir. Bu ilin 10 ayı ərzində Azərbaycan 63 min 863 ton xurma ixrac edib, bu həcmdə xurmanın ixrac dəyəri 46 milyon 156 min ABŞ dolları təşkil edib. Bu, 2022-ci ilin müvafiq dövrü ilə müqayisədə həcm baxımından 7,9%, dəyər baxımından isə 3,9% çoxdur.

Valyuta.az ölkəyə valyuta gətirən xurmanın hektarı üçün çəkilən xərc və gəlirlə bağlı araşdırma aparıb.

"Azərbaycan Xurma İstehsalçıları və İxracatçıları Assosiasiyası" İctimai Birliyinin sədri Qadir Yusifov bildirib ki,1 hektar xurma bağı əkmək üçün lazım olan vəsait əkiləcək xurma bağının növündən aslıdır: “Xurma əkinində əsasən iki forma var, bunlardan biri klassik, digəri isə intensiv formada əkinə yaxın üsuldur. Klassik formada xurma əkininə çəkilən xərc 3 min manat civarındadır. Klassik formada əkilən bağda torpaq əkinə hazırlanır, burda tinglər alınır və əkilir. İntesiv formada salınan bağda məftilin, dayaqların alınması, tinglərin alınıb, əkilməsi çəkilən xərcin tərkib hissəsidir. İntensiv formada bağ əkəndə xərc təqribən 5-6 min manat civarında ola bilər. 

Damcılı sulama bağda bol məhsul əldə etmək üçün ən vacib şərtlərdəndir. Biz daim fermerlərə çağırış edirik ki, damcılı sulamadan istifadə etsinlər. Damcılı sulama sisteminin tətbiqi sözügedən xərclərə daxil deyil. Damcılı sulama sisteminin tətbiqi  üçün həm klassik formada, həm də intensiv formada salınan bağda 1000 manat əlavə ödəniş etmək lazımdır”. 

Q.Yusifov bildirib ki, ölkədə təqribən 13 min hektar xurma bağı var: “Xurma ölkənin 21 rayonunda əkilir-becərilir”. 

Assosiasiyası rəhbəri bildirib ki, fermerlər məhsuldarlıq üçün aqrotexniki qaydalara riayət etməlidirlər: “Fermerlər aqrotexniki qaydalara zəif riayət edirlər. Gübrələrin verilməsi, zərərvericilərlə mübarizə, budama vaxtında olmalıdır. Bəzi xurma təsərrüfatlarında beynəlxalq standartlara uyğun xurma bağı əkilir”. 

O, gəlir məsələsinə toxunub: “1 ton xurmanın ixracından 1000-1300 manat aralığında gəlir əldə etmək mümkündür. 1 hektardan 25 000 manat ətrafında gəlir götürmək olar. Bu hal bütün aqrotexniki qaydalara riayət edilən bağlarda mümkündür. 

“Azərbaycan əsasən Rusiyaya, Belarusa, Moldovaya xurma ixrac edir. Avropa bazarlarında İspaniya xurması əsaslı yerə sahibdir”, o qeyd edib. 

Nara