![](https://valyuta.az/file/articles/2023/12/08/1702018696_employee-flight-risk.jpg)
“Mikrosahibkarlar 75 faiz güzəşt hüququndan istifadə etmək üçün 2 şərtə cavab verməlidir” - Ekspert
Vergi Məcəlləsinə dəyişikliklər Milli Məclisin 5 dekabr tarixində keçirilən iclasında üçüncü oxunuşda təsdiqlənib.
Valyuta.az 2024-cü ildə mikro sahibkarlara tətbiq ediləcək dəyişikliklərlə bağlı vergi məsələləri üzrə ekspert Nahid Tağıyevin şərhini təqdim edir.
Vergi Məcəlləsində 2024-cü ildə baş tutacaq növbəti dəyişiklik mikrosahibkar subyektlərinə bağlı olacaq. Belə ki, mikrosahibkarlıq subyektləri gəlir və xərclərinin uçotunu apardığı təqdirdə gəlirlərinin 75 faizi həcmində güzəşt hüququndan istifadə edə bilərdilər. Lakin növbəti ildən, 2024-cü ildən etibarən mikrosahibkarlıq subyektləri 75 faiz güzəşt hüququndan istifadə etmək üçün mütləq 2 şərtə cavab verməlidirlər.
1-ci şərt: mikrosahibkarlıq subyektinin orta aylıq işçi sayı minimum 3 nəfər olmalıdır.
2-ci şərt: sahibkarlıq subyektinin məcburi dövlət sosial sığorta haqqı üzrə hər hansı borcu olmamalıdır.
Bu iki şərt ödənildikdə mikrosahibkarlıq subyektləri 75 faiz güzəşt hüququndan istifadə edə biləcəklər.
Bundan əlavə, 2024-cü ildən etibarən başqa bir güzəşt hüququ da nəzərdə tutulub. Belə ki, mikrosahibkarlıq subyektləri işçi sayından, borcun olub-olmamağından və ya gəlir və xərclərin uçotunu aparıb-aparmamağından asılı olmayaraq, yəni hər hansı bir şərtlə məhdudlaşdırılmadan illik ödədikləri məcburi dövlət sosial sığorta haqlarının 25 faizini, ödəməli olduğu gəlir və sadələşmiş vergidən çıxmaq hüququ əldə etdilər.
Bu nə deməkdir ?
Məsələn, hansısa bir mikro sahibkarlıq subyektinin illik, yəni 2024-cü ildə ödəməli olduğu gəlir vergisi məsələn, 2000 manat təşkil edirsə, bu halda həmin vergi ödəyicisi özünə görə ödədiyi məcburi dövlət sosial sığorta haqqını 25 faizini qeyd etdiyimiz 2000 manatdan çıxacaq və dövlət büdcəsinə yerdə qalan məbləği ödəyəcək.
Burada bir məqamı xatırladım ki, məcburi dövlət sosial sığorta haqqı dedikdə işə götürənin, yəni fərdi sahibkarın işçilərinə görə yox, məhz özünə görə ödədiyi məcburi dövlət sosial sığorta haqqı nəzərdə tutulur.
Nuray
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay