2023-cü ilin yanvar-oktyabr ayları ərzində Bakı-Tbilisi-Ceyhan (BTC) ilə nəql olunan neftin həcmi 25,2 milyon ton təşkil edib.

Valyuta.az xəbər verir ki, bu barədə Dövlət Statistika komitəsindən bildirilib.

Beləliklə, BTC ilə tranzit neftinin nəqli bütün illik hesablamada 6,8 faiz artıb.

Komitənin məlumatlarına görə, ötən ilin analoji dövründə neft nəqlinin həcmi 24,4 milyon ton olub.

© Trend

Beləliklə, BTC ilə nəql olunan neftin həcmi illik hesablamada 3 faizdən çox artıb.

Bakı-Tbilisi-Ceyhan boru kəmərinin payına 2023-cü ilin hesabat dövründə Azərbaycanın magistral neft kəmərləri ilə nəql olunan 33,1 milyon ton neftin 76 faizi düşüb.

BTC ilə 20,9 milyon ton Azərbaycan nefti nəql olunub ki, bu da boru kəməri ilə tədarük olunan ümumi həcmin 83 faizini təşkil edir. Təqribən 17 faiz (4,3 milyon ton) neft isə Türkmənistan və Qazaxıstanın payına düşüb. Qeyd edək ki, 2022-ci ilin ilk on ayı ərzində BTC ilə nəql olunan tranzit neftin həcmi 4,1 milyon ton təşkil edib.

Hazırda BTC boru kəməri əsasən Azərbaycandan AÇG nefti və Şahdəniz kondensatı daşıyır. Bundan əlavə, BTC vasitəsilə Xəzərin digər regional xam neft və kondensat həcmləri (Qazaxıstan və Türkmənistan) də nəql olunur.

BTC Ko.-nun səhmdarları aşağıdakı kimidir: bp (30,10%), SOCAR (25,00%), MOL (8,90%), Ekvinor (8,71%), TPAO (6,53%), Eni (5,00%), TotalEnergies (5,00%), İTOÇU (3,40%), İNPEKS (2,50%), EksonMobil (2,50%) və ONGCVideş (2,36%).