Çox gözlənilən “Apple Vision Pro”nun buraxılış tarixi açıqlandı. 

Son aylarda keçirilən WWDC 2023 tədbirində “Apple” tərəfindən çoxdan gözlənilən “Vision Pro” təqdim edildi. Bu cihaz diqqətəlayiq xüsusiyyətləri ilə maraq oyatdı və nə vaxt buraxılacağı ilə bağlı gözləntilər yaratdı. Lakin təqdimat zamanı qiyməti müəyyən edilən 3499 dollarlıq “Vision Pro” dərhal satışa çıxarılmadı və təqdimat tarixi ilə bağlı heç bir məlumat paylaşılmadı.

“Apple Vision Pro” nə vaxt çıxır?

Son hesabata görə, “Apple”ın 2024-cü ilin əvvəlində işçilərini öyrətməyə başlayacağı bildirilib. Ancaq bu gün “Vision Pro”nun buraxılış tarixi ilə bağlı mühüm məlumatlar ortaya çıxdı. Mark Qurmanın etibarlı mənbələrdən verdiyi məlumata görə, “Apple Vision Pro”nun ABŞ-da təqdim olunma tarixi 2024-cü ilin martı olaraq müəyyən edilib. Digər ölkələrdə təqdimat tarixi ilə bağlı hələlik məlumat olmasa da, cihazın geniş marağa səbəb olacağı gözlənilir.

“Apple Vision Pro” xüsusiyyətləri

“Apple Vision Pro” M2 və R1 prosessorları ilə təchiz edilib və müstəqil cihaz kimi işləyir. Kontrollerə ehtiyac olmadan məkan səs sisteminə və müxtəlif rejimlərə malik olan bu virtual reallıq eynəkləri Vision OS əməliyyat sistemində işləyir. EyeSight texnologiyasını dəstəkləməsi, müxtəlif rejimlər arasında keçid edə bilməsi və bir bölgədə birdən çox tətbiq yerləşdirə bilməsi kimi xüsusiyyətləri ilə diqqət çəkir.

Bundan əlavə əl, barmaq və göz izləmə dəstəyi, Optic ID dəstəyi FaceTime təcrübəsini təkmilləşdirən xüsusiyyətlər arasındadır. Buraya MicroOLED paneli, Android və Apple Store ilə uyğunluq, məkan audio sistemi və Vision OS əməliyyat sistemi daxildir.

Nuray