"Əgər baqaj və yük itərsə, dəymiş ziyan ödənilmədiyi təqdirdə vətəndaş aviaşirkəti məhkəməyə verə bilər".

Bunu Valyuta.az-a vəkil Əkrəm Həsənov “Aviasiya haqqında” yeni qanun layihəsini şərh edərkən deyib. 

Vəkil qeyd edib ki, vətəndaş həmçinin aviasiya nəzarətini həyata keçirən quruma da müraciət edə bilər:

"Məhkəmə baxıb qərar verməlidir. Dəymiş ziyanı qarşı tərəfdən tələb etməlidir".

Qeyd edək ki, “Aviasiya haqqında” yeni qanun layihəsinə görə, baqaj və ya yükün itirildiyi və ya məhv olduğu halda daşıyıcı onun tam dəyərini ödəyəcək. Layihəyə əsasən, baqaj və ya yük daşıyıcı tərəfindən daşımaya qəbul edildikdən sonra üç ay ərzində çatdırılmazsa, əksi sübut edilənədək itirilmiş sayılır. 

Aylin