“Accor Hotel Group”un vitse-prezidenti və İstanbuldakı “Swissotel Bosphorus Hotel”in baş direktoru Uğur Talayhan bildirib ki, Türkiyədə cari turizm mövsümünü uğurlu hesab etmək olmaz. 

Valyuta.az-ın məlumatına görə, o, qeyd edib ki, ölkədəki inflyasiya, keçmişin nəticələri və gələcək zəlzələ qorxuları, həmçinin may ayında keçirilən seçkilərə görə yüksək qiymətlər səbəbindən İstanbulda mənzillər daha az bronlaşdırılıb.

“Bu turizm mövsümü hələ bitməyib, hava hələ də istidir. Ancaq ümumilikdə yeni mövsümə hazırlaşmaq lazımdır", dryə o bildirib.

Uğur Talayhan həmçinin qeyd edib ki, bu il əvvəlki illərə nisbətən daha az rusiyalı gəlib və turistlər də tətilə daha az pul xərcləməyə başlayıblar.

Paşa Məmmədli