Məşhur mebel şirkəti məhkəmə qarşısında
Mebel şirkəti olan “Beshome” MMC cərimələnə bilər.
Valyuta.az xəbər verir ki, şirkət barəsində İnzibati Xətalar Məcəlləsinin 430.4-cü (Avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmaması) maddəsi ilə inzibati iş başlanıb.
İş baxılması üçün Nəsimi Rayon Məhkəməsinə göndərilib və hakim Azər Tağıyevin icraatına verilib.
430.4-cü maddəyə əsasən, vəzifəli şəxslər inzibati xətanın bilavasitə obyekti olmuş valyuta vəsaiti məbləğinin 10 faizindən 20 faizinədək məbləğdə, hüquqi şəxslər inzibati xətanın obyekti olmuş valyuta vəsaiti məbləğinin 20 faizindən 30 faizinədək məbləğdə cərimə edilir.
“Beshome” MMC 25 yanvar 2021-ci ildə qeydiyyata alınıb. Nizamnamə kapitalı 20 AZN olan şirkətin qanuni təmsilçisi Babayev Nail Baba oğludur.
“Beshome” MMC və Nail Babayev barəsində açıq mənbələrdə heç bir məlumat yoxdur.
Bununla belə, dövlət satınalmalarının vahid elektron portalında yerləşdirilən məlumatlardan aydın olur ki, şirkət tenderlərdə fəal iştirak edir.
“Beshome” MMC 2022-2023-cü illər ərzində 11 tenderin qalibi olub. Bu tenderləri aşağıdakı qurumlar keçirib:
Tibbi Ərazi Bölmələrini İdarəetmə Birliyi (TƏBİB);
Azərbaycan Respublikası Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi (ASAN Xidmət);
Dövlət Turizm Agentliyi
Qarabağ İqtisadi Rayonunda Bərpa, Tikinti və İdarəetmə Xidməti;
Dayanıqlı Operativ Sosial Təminat Agentliyi (DOST);
Azərbaycan Dövlət Bədən Tərbiyəsi və İdman Akademiyası;
Dövlət Sosial Müdafiə Fondu;
Azərbaycan Turizm Bürosunun tenderlərinin qalibi olub.
Hüseyn
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay