Benzinə və dizelə xərclənən vəsait artıb: Səbəb nədir?
Dövlət Statistika Komitəsinin məlumatına görə, bu ilin yanvar-iyul aylarında Azərbaycanın pərakəndə ticarət şəbəkəsində istehlakçılar tərəfindən təkcə avtomobil benzini və dizel yanacağına 1 milyard 681,7 milyon manat xərclənib. Bu isə 2022-ci ilin müvafiq ayları ilə müqayisədə istehlakçılara avtomobil benzini və dizel yanacağı satışından əldə edilən gəlirlərin 5,7 faiz artması deməkdir.
Görəsən, hansı amillər bu artıma səbəb olub?
İqtisadçı ekspert Akif Nəsirli bildirib Valyuta.az-a açıqlamasında ki, avtomobil idxalının artması, iqtisadi canlanma müvafiq olaraq yanacaq satışından əldə olunan gəlirlərin də artmasına rəvac verib:
“Ölkəyə avtomobil idxalı çoxalıb. Son illər həmçinin ölkə daxilində kənd təsərrüfatı və digər sahələrdə avtomobil və texnikalardan istifadə genişlənir. Həm iqtisadiyyatda, həm də insanların yaşayışında maşın və mexanizmlərdən istifadə halları günbəgün artır. Ötən il ölkədə 51 aqropark var idisə, hazırda onların sayı 100-dən çoxdur. Yəni bir ilə aqroparkların sayı iki dəfə artıb ki, ona müvafiq olaraq ora cəlb olunan texnikanın da sayı artıb. Eyni zamanda, işğaldan azad edilmiş ərazilərimizdə də tikinti quruculuq işləri gedir. Bu zaman həmin prosesə də çoxsaylı avtomobil və texnika cəlb olunur. Bütün bunlar da öz növbəsində yanacaq sərfiyyatının artmasına səbəb olub”.
Ramiz
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay