Bu yaxınlarda Ingiltərənin reytinq baxımından ikinci liqası sayılan Çempionşipə düşmüş “Southempton”, “Lester” və “Lids” üçlüyü sözügedən çempionatda hələ ki, ən dəyərli klublar hesab olunur. 2020-ci ildə Premyer Liqaya yüksələn “Lids” qarşıdakı mövsümdə heç bir rol oynamayacaq oyunçulara 130 milyon funt-sterlinq xərcləmişdi. Buna baxmayaraq, onların hələ də Cek Harrison, Luis Sinisterra və Tayler Adams kimi bir sıra potensial gəlirli oyunçuları var ki, onlar öz mövqelərində qaldıqları təqdirdə dəyərləri yüksələcək. 

“Southempton”un daha gənc heyət yaratmaq strategiyası meydanda işləməyə bilərdi, lakin bu, Romeo Lavia, Tino Libramento və Armel Bella-Kotçap kimi oyunçuların ilk dəfə transfer edildikləri qiymətdən qat-qat artıq dəyərə malik olması, onları maddi cəhətdən sağlam vəziyyətdə saxlayır. Uzun müddətdir kluba xidmət edən kapitan Ceyms Vard-Provse hələ də heyətdədir. İngiltərə millisinin üzvü hazırda Çempionşipin ən dəyərli oyunçusu hesab olunur.

“Lester” Harvi Barns, Ceyms Meddison və Yuri Tielemansı itirə bilər, lakin heyətin qalan üzvləri hələ də təxminən 300 milyon avro dəyərindədir.

Valyuta.az “Transfermarkt”dəki rəqəmlərə əsasən Çempionşipdəki klubların hazırkı qiymətlərini diqqətinizə çatdırır. Transfer pəncərəsi daha bir ay açıq olacağı üçün bu rəqəmlər sentyabr ayında kəskin şəkildə dəyişə bilər.

1. “Sauthempton” – 362.7 milyon avro
2. “Lester” – 292.7 milyon avro
3. “Lids” – 233.4 milyon avro
4. “Norviç” – 98.3 milyon avro
5. “Uotford” – 74.4 milyon avro
6. “Vest Bromviç” – 61.8 milyon avro
7. “Sanderlend” – 59.4 milyon avro
8. “Middlsbro” – 59.1 milyon avro
9. “Hall Siti” – 58.7 milyon avro
10. “Suonsi” – 56.9 milyon avro
11.  “Blekbörn” – 56.7 milyon avro
12. “Bristol Siti” – 52.2 milyon avro
13. “Kardiff” – 49.9 milyon avro
14. “Stok Siti” – 46.8 milyon avro
15. “Birmingem” – 45.5 milyon avro
16. “Koventri” – 44.3 milyon avro 
17. “Preston Nort End” – 41.1 milyon avro
18. “Millvall” – 35.5 milyon avro
19. “Qvins Park Reyncers” – 35 milyon avro
20. “Haddersfayld” – 26.5 milyon avro
21. “İpsviç” – 19.4 milyon avro
22. “Rotherham Yunayted” – 16.7 milyon avro
23. “Plimut Arcil” – 13.4 milyon avro
24. “Şeffild Vednezdey” – 12.6 milyon avro

Elmir