Ölkədə 32 il rektor işləyən şəxslər var - Qanun nə deyir?
"Rektorun təyin edilməsi, vəzifədən azad edilməsi Azərbaycan Respublikasının Prezidentinin səlahiyyətlərinə daxildir”.
Bu sözləri Valyuta.az-a təhsil məsələləri üzrə ekspert Elmin Nuri Milli Məclisin deputatı Etibar Əliyevin fikirlərini şərh edərkən deyib.
Ekspert deyir ki, hələ bir neçə il bundan əvvəl rektor təyinatında yeni modelə - Türkiyə modelinə istinad ediləcəyi deyilirdi:
“Türkiyə modelində universitet özü rektorluğa namizədi müəyyənləşdirir və prezidentə təqdim edilir. Prezident isə o şəxslə bağlı qərar verir”.
Elmin Nuri bildirib ki, 2019-ci ildə Prezident tərəfindən “Təhsil haqqında” qanunun tətbiq edilməsi barədə fərmanda dəyişiklik edilib:
“Həmin dəyişkliyə əsasən, "Təhsil haqqında qanun"un 2.13-cü bəndinə "dövlət ali təhsil müəssəsində rektor beş il müddətində təyin edilir" sözləri əlavə edildi".
Həmsöhbətimizin sözlərinə görə, qanun dəyişiklik edilsə də, bu şəxslərin seçilməsi ilə bağlı limit sayı göstərilmir:
“Orada yalnız bir cümlə əlavə edilib ki, rektor təhsil müəssəsinə yalnız beş il müddətinə təyin edilsin, lakin bu o demək deyil ki, mütləq beş il sonra həmin rektor çıxsın, yerinə başqası gətirilsin. Rektorun bir və ya iki dəfə seçilməsi ilə bağlı qanunvericilikdə bir limit yoxdur. Qanundakı bu detala görə düşünürəm ki, bizdə rektorlar beş il müddətindən çox fəaliyyət göstərir”.
Elmin Nuri deyir ki, son illər Azərbaycan universitetinə təyin olunan rektorlar faydalılığına, faydalı iş əmsalına, təhsilə modern yanaşmalarına görə uğurlu namizədlər sayılmalıdır:
“Lakin hələ də faydalılığına görə o qədər də seçilməyən, rəhbərlik etdiyi dövrdə universiteti dünyanın reytinq cədvəllərinə daxil olmayan rektorlar da var”.
Milli Məclisin bu gün keçirilən iclasında deputat Etibar Əliyev bildirib ki, 32 il, 20 ildən çox işləyən rektorlar var: "30 ildən çoxdur ki, müstəqillik qazanmışıq, bir universitet məşhur reytinqlərdə yer almayıb".
Davud
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay