Cənubi Koreyada istehsal olunan insanabənzər robot "EveR 6" Seulda ölkənin milli orkestrinə dirijorluq edib.

Valyuta.az xəbər verir ki, "Android" sistemli robot cümə günü axşam saatlarında paytaxt Seulda podiuma çıxaraq ölkənin milli orkestrinə dirijorluq edib. Koreya Sənaye Texnologiyaları İnstitutu tərəfindən hazırlanmış robot ölkənin milli orkestrinin görkəmli musiqiçilərinin yer aldığı Koreya Milli Teatrında debüt edib. 

İnsanabənzər robot əvvəlcə tamaşaçılar qarşısında əyilib, daha sonra konsertin tempinə nəzarət etmək üçün qollarını yelləməyə başlayıb. Robot Seulda keçirilən konsertdə beş trekdən üçünə dirijorluq edib. O, dirijor Çoi Soo Yeul ilə eyni səhnəni bölüşüb. 

Dirijor açıqlamasında, "Robotun hərəkətləri çox detallıdır. "EveR 6"nın "kritik zəifliyi" onun dinləmək qabiliyyətinin olmamasıdır. Bu onu göstərdi ki, robotlar və insanlar bir-birini əvəz edə bilməsə də, birlikdə yaşaya və bir-birini tamamlaya bilərlər” - sözlərini söyləyib.

Konserti izləyən tamaşaçılardan Li Young Yu robotun hərəkətləri ritmi saxlamaqda mükəmməl, ancaq onun "nəfəs" və ya orkestri kütləvi şəkildə dərhal işə hazır vəziyyətdə saxlamaq qabiliyyəti olmadığını bildirib. Başqa bir tamaşaçı Sonq In Ho, "EveR 6"nın performansının başlanğıc səviyyəsində, həmçinin musiqini anlamaq və təhlil etmək üçün vaxt lazım olduğunu deyib.

Elmir