"Google Made by Google" "YouTube" kanalında "iPhone"u ələ salan "Pixel" smartfonları haqqında bir sıra tanıtım videoları yayımlayıb.

Valyuta.az xəbər verir ki, bütün videolarda "Pixel" smartfonu və "iPhone" təbiəti düşünən köhnə dostlar kimi təqdim olunur. Bir anda "iPhone"da səmimiyyət hissi dolaşır və o, "Pixel"ə paxıllığını və çatışmazlıqlarını etiraf edir.

Məsələn, "Plateau"nun klipində bir "Apple" smartfonu astrofotoqrafiyaya və 30x böyütməyə sahib olmağı çox istədiyinə görə darmadağın olur, amma çox güman ki, onun bu istədiyi heç vaxt olmayacaq. Başqa bir videoda ("Sketchy Wi-Fi"nin hazırladığı) "iPhone" və "Pixel" yol kənarındakı kafedə oturublar. "Apple"ın smartfonu ictimai Wi-Fi qaynar nöqtəsi ilə bağlı çaxnaşmaya düşür və "Pixel"i mümkün qədər tez əlaqəni kəsməyə çağırır, çünki hakerlər yəqin ki, orada oturublar.

Başqa bir videoda "iPhone"un birdən-birə batareyası tükənir və "Pixel" tərs simsiz enerji doldurma ilə köməyə gəlir. "Pixel Fold"un açıldığı klipdə "iPhone" gördüklərindən huşunu itirir, sonra özünə gəlir və bunun neçənci il olduğunu və uçan avtomobillərin artıq icad edilib-edilmədiyini soruşur.

Ümumilikdə "Google" beş video yayımlayıb. Onların hamısı "Best Phones Forever" seriyasında birləşib.

Nicat