![](https://valyuta.az/file/articles/2022/07/21/1658386662_1.jpg)
ADB Azərbaycandakı inflyasiyanın sürətlənməsinin səbəblərini açıqlayıb
Asiya İnkişaf Bankı (ADB) Qafqaz və Mərkəzi Asiya regionu üzrə inflyasiya proqnozunu bu il üçün 2,5 faiz bəndi artıraraq 8,8 %-dən 11,3 %-ə çatdırıb.
“Report” xəbər verir ki, bu barədə ADB-nin “Asian Development Outlook-2022” iyul hesabatında bildirilib.
Sənədə əsasən, bank gələn il üçün regionda inflyasiya proqnozunu 1 faiz bəndi artıraraq 7,1 %-dən 8,1 %-ə yüksəldib.
"Qlobal əmtəə qiymətlərinin daha da artması və Ukraynadakı müharibə səbəbindən və tədarük zəncirinin pozulması subregionda onsuzda mövcud olan inflyasiya təzyiqlərini artırıb. Azərbaycan, Gürcüstan, Qazaxıstan və Özbəkistan üçün inflyasiya proqnozları artırılıb.
Ukraynada müharibə səbəbi ilə tədarükün kəsilməsi və ticarət tərəfdaşlarında qiymət artımı səbəbindən ərzaq qiymətlərinin artması ilə Azərbaycanda inflyasiya may ayında 12,6 %-ə yüksəlib", - hesabatda deyilir.
Gürcüstanda orta illik inflyasiya, ərzaq, nəqliyyat və kommunal xidmətlərdə qiymətlərin artması ilə mayda 12,7 %-ə yüksəlib.
Eyni ayda Qazaxıstanda orta illik inflyasiya 11,3 %-ə yüksəlib, o cümlədən ərzaq qiymətləri 14,5 %, qeyri-ərzaq məhsulları 10,2 %, xidmətlər 8,1 % artıb. Rusiyanın buğda və şəkər ixracına qadağa qoyması Qazaxıstanda bu məhsulların qıtlığına və qiymət artımına səbəb olub. Özbəkistanda bu ilin ilk 5 ayında inflyasiya 10,2 %-ə yüksəlib.
"Buğda qiymətlərinin liberallaşdırılması və kommunal xidmətlərin tariflərində gözlənilən artım, Ukraynadakı müharibənin iqtisadi təsiri ilə birlikdə 2022-ci ildə inflyasiyanı sürətləndirəcək", - ADB bildirib .
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay