Ötən il işsiz olan 376 min nəfərin 12,5 faizi (46,9 min) ali təhsilli olub. Ali təhsilli işsizlərin 19,3 mini qadın, 27,6 mini kişilərdən ibarət idi. 

İşsizlərin daha çox hissəsini tam orta təhsil almış şəxslər təşkil edib. Bu şəxslərin sayı 2020-ci ilin sonunda 191,3 min olub. 

Ümumi orta təhsil alanlar arasında 58,6 min, orta ixtisas təhsili alanlar arasında 49 min işsiz qeydə alınıb. 

İşsizlərin 31,2 mini peşə təhsili və ibtidai təhsil alan əmək qabiliyyətli insanlardır. Ali təhsil istisna olmaqla digər səviyyələr üzrə təhsilalanlar arasında işsizlərin çox hissəsini qadınlar təşkil edib. Xüsusən daha çox işsizin qeydə alındığı tam orta təhsilli şəxslərin 65 faizə qədəri (124 min) qadın işsizlərdən ibarətdir. 

Qeyd edək ki, 2020-ci ildə ölkəmizdə iqtisadi fəal əhalinin sayı 5,25 milyon nəfər olub və bunların 376 min nəfərini işsiz əhali təşkil edib. Ötən il ölkəmizdə işsizlik səviyyəsi 7,2 faiz olub.

Mənbə: Sfera.az