Sentyabr ayında Rusiyada havaların soyuq keçməsi pomidor və xiyarın qiymətində artımın sürətlənməsinə təsir edib. 

Bunu Rusiya Milli Meyvə -Tərəvəz Birliyinin icraçı direktoru Mixail Qluşkov jurnalistlərə verdiyi açıqlamasında söyləyib.

“Ənənəvi olaraq, sentyabrın əvvəlində bazarda açıq tərəvəzlər tükənir. Payızın əvvəlindən mağazalarda istixanalarda yetişdirilən pomidor və xiyar gəlməyə başlayır. Bu sentyabr xüsusilə keçən ilə nisbətən olduqca soyuq keçdi. Rusiyanın bir çox mərkəzi və şimal-qərbində havanın tempraturu iqlim normasından aşağı idi. Bu da istixanalara təsir etdi və məhsullar daha sürətlə bahalaşmağa başlayıb”, - Qluşkov deyib

M.Qluşkov qeyd edib ki, qış istixanalarında bu ilin səkkiz ayında pomidor istehsalının həcmi keçən ilin eyni dövrü ilə müqayisədə 18%, xiyar 2% artıb. 

Mütəxəssisin sözlərinə görə, istehsalın davamlı artması, bu kateqoriya meyvə-tərəvəz məhsullarının qiymət artımını dayandırmağa imkan verir. 

Mənbə: Marja