Beynəlxalq Valyuta Fondunun (BVF) dünya iqtisadiyyatı ilə bağlı iyul ayında açıqlanmış proqnozlarına əsasən, qlobal ÜDM 2021-ci ildə 6,0 faiz, 2022-ci ildə isə 4,9 faiz artacaq.

Valyuta.az xəbər verir ki, bu barədə Maliyyə Nazirliyinin “2022-2025-ci illər üçün makrofiksal çərçivə və 2022-ci il üçün icmal və dövlət büdcələrinin ilkin göstəricilərinə dair” açıqlamasında əks olunub. 

Sənədə əsasən, mövcud qlobal meyillər əsasında dünya əhalisinin peyvəndlənmə nisbətlərinin artması şəraitində Dünya Bankı tərəfindən 2021-ci ildə qlobal iqtisadi böyümənin 5,6 faiz, 2022-ci ildə isə 4,3 faiz səviyyəsində olacağı proqnozlaşdırılır

Qeyd edilir ki, beynəlxalq maliyyə təşkilatları tərəfindən 2021-ci ildə dünya iqtisadiyyatında artım proqnozlaşdırılsa da, qlobal ÜDM-in pandemiyadan əvvəlki göstəricidən xeyli aşağı olacağı ehtimal edilir.

Pandemiya iləbağlı qeyri-müəyyənliklərin davam etməsi şəraitində cari və növbəti illərləbağlı iqtisadi proqnozlar üzrə kəskin kənarlaşmaların ola biləcəyi ehtimalı da istisna edilmir. 

Ömər Vəzirli