“Capital Partners İnvestisiya Şirkəti” QSC-nin 2025-ci ilin ilk rübündə “Bakı Fond Birjası”da (BFB) apardığı əməliyyatların həcmi 244 mln. manat təşkil edib. 

Valyuta.az-ın hesablamasına görə, investisiya şirkətinin birja əməliyyatları son bir ildə  13% və ya 36,2  mln. manat azalıb. Belə ki, 2024-cü ilin yanvar-mart aylarında “Capital Partners”in  dövriyyəsi 280,2 mln. manat təşkil edib. 

İnvestisiya şirkətinin bu dövrdə bağladığı əqdlərin sayı 56-dan 257-ə yüksəlib. Əqdlərinin orta dəyəri isə son bir ildə 5 mln. manatdan 949 min manata enib. 

Qeyd edək ki, investisiya şirkətinin birja əməliyyatlarının 218,85 mln. manatı repo, 21,37 mln. manatı dövlət qiymətli kağızlarının, 3,78 mln. manatı isə korporativ istiqrazların payına düşüb. 

İnvestisiya şirkəti ilin birinci rübündə Mərkəzi Bankın notları və səhmlər üzrə hər hansı əməliyyat aparmayıb. 

Xatırladaq ki, “Capital Partners İnvestisiya Şirkəti” QSC 2007-ci ildə yaradılıb, onun nizamnamə kapitalı 400 min manatdır.

Nara