Bu ilin birinci yarısında Qəbələ rayonunda fəaliyyət göstərən sənaye müəssisələri tərəfindən faktiki qiymətlərlə 45 milyon 415,1 min manatlıq məhsul istehsal olunub.

Valyuta.az AZƏRTAC-a istinadən xəbər verir ki, bu barədə Qəbələ Rayon Statistika İdarəsindən məlumat verilib.

İstehsal edilən sənaye məhsulunun 9,9 faizi dövlət, 90,1 faizi qeyri-dövlət sektorunun payına düşür.

İdarənin rəisi Ayaz İsgəndərovun sözlərinə görə, Qəbələ rayonunun sənayesi əsasən, qida məhsulları və tikinti materiallarının istehsalı, elektrik enerjisi və qazın bölüşdürülməsi və təchizatı, suyun təmizlənməsi və paylanması sahələrini əhatə edir.

Altı ayda rayonda 4 milyon 248,6 min manatlıq sənaye məhsulu ixrac olunub.