“2019-cu il ilə müqayisədə 2020-ci ildə televiziya sahəsində gəlirlər 10% civarında aşağı düşüb. Lakin radioda tənəzzül kəskindir”. 

Valyuta.az xəbər verir ki, bunu Milli Televiziya və Radio Şurasının (MTRŞ) sədri İsmət Səttarov APA-ya müsahibəsində söyləyib.

Onun sözlərinə görə radio kanalların kommersiya gəlirləri 2019-cu ildə 5 milyon manat olduğu halda, 2020-ci ildə 2,9 milyon manata düşüb ki, bu da 42% azalma deməkdir: 

“Televiziya və radio reklam bazarının ümumi həcmi 27 milyon manat təşkil edib. Müqayisə üçün bildirim ki, 2019-cu ildə bu rəqəm 31 milyon manat hüdudlarında idi. Pandemiyadan qabaq reklam gəlirlərinin 10%-dək artacağının proqnozlaşdırlmasını nəzərə alsaq, yayımçıların gəlirləri ümumi olaraq 7 milyon manat məbləğində azalıb. Kommersiya (özəl) yayımçılar üçün bu, çox böyük rəqəmdir. Bu il bazarın həcminin artması proqnozlaşdırılmır, belə ki, 2020-ci ildən qalan problemlərin məcmu effekti bu ilə də təsir edəcək”.