"Bu ilin I rübündə Türkiyədən Avropaya dəmir yolu ilə daşımalar ötən ilin eyni dövrü ilə müqayisədə 26 % artıb".

Valyuta.az Report.az-a istinadən xəbər veirr ki, bunu Türkiyə Cümhuriyyəti Dövlət Dəmiryollarının (TCDD Transportation) Baş direktoru Həsən Pezük deyib.

Onun sözlərinə görə, koronavirus pandemiyası səbəbi ilə bir çox sektorda olduğu kimi nəqliyyat sektorunda da dəyişikliklər yaşanıb: 

"Pandemiyadan sonra bu dəyişikliklərin yaratdığı yeni reallıqda dəmir yolu, avtomobil və dəniz yolları vasitəsi iləkombinə edilmiş yük daşımalarıyeni qaydada daha çox əhəmiyyət kəsb edəcək. Yük maşını qutuları ilə daşımalar alternativ nəqliyyat imkanı kimi ön plana çıxacaq".

H.Pəzük, uzun məsafəli dəmir yolu daşımalarında yüksək əlavə dəyərli malların daşınmasının artdığını bildirib: 

“Yük maşını qutuları ilə daşımalarındakı artımın, son 18 ildə dəmiryoluna qoyulan investisiyaların nəticəsidir. Dəmir yolu inkişaf etdikcə vaqon növlərinin çeşitləndirilməsi ilə daşınan yüklərin həcmində artım oldu.

Dəmir yolu ilə yük maşını qutuları ilə daşınmasının ekolojı, sərhəd qapılarında keçid və gömrük rahatlığı, səmərəli işçi heyəti, nəqliyyat vasitələrinin istifadəsi və həcm kimi üstünlükləri var. Avtomobil yollarındakı sıxlığı azaltmaqla yanaşı, daşınan malların hər hansısa transfer olmadan son mənzilə çatdırılır”.

“Türkiyənin dünya ilə rəqabətində ən mühüm faktor nəqliyyat sektorudur. Prezidentimizin liderliyində, Nəqliyyat və İnfrastruktur Nazirliyinin rəhbərliyi altında sektorumuzda hamımızı qürurlandıran ilklər var və beynəlxalq dəmir yolu daşımaları ilə ixracatçılarımıza ən böyük dəstək verilir. Ötən il TCDD Transportation olaraq İran istiqamətində daşımalarda 60 %, Bakı-Tiblisi-Qars və Orta Dəhliz vasitəsi ilə daşımalarda 100 %-dən çox və Avropaya daşımalarda isə 25 % artım qeydə alınıb.”- deyə o bildirib.

O, Cümhuriyyət tarixinin rekordlarının qırıldığı dəmir yolu nəqliyyatında artımların bu il də davam etdiyini vurğulayıb: 

“Bu ilin I rübündə 26 % artıma nail olduq. Yük maşını qutuları ilə daşımalarda tələb olduğu təqdirdə, səyahət sayını artırarkən, bu daşımaları fərqli istiqamətlərdə də həyata keçirmək üçün səylərimizi davam etdiririk. Tekirdağ, Ömerli (İstanbul) və Marmaray Boğaz Boru Keçidi ilə Anadolu tərəfdən yük maşını gövdəsinin nəqlinə başlamağı planlaşdırırıq”.