"Qarşıdakı 6-12 ay ərzində qızılın qiyməti 2020-ci ilin avqustunda əldə edilən rekord dəyərinə qədər artacaq".

Valyuta.az xəbər verir ki, bunu “Sprott Inc.” investisiya firmasının idarəedici direktoru Piter Qrosskopf “Kitco News”-a müsahibəsində deyib. 

Qızıl bazarının gələcək perspektivləri barədə danışan P. Qrosskopfun fikrincə, lakin bunun həqiqətən reallaşması üçün aşağıdakı üç şərtdən biri yerinə yetirilməlidir: 

“maliyyə bazarlarında korreksiya, faiz dərəcələrində korreksiya və ya qlobal iqtisadiyyatda qənaətbəxş olmayan artım”.

Mütəxəssis düşünür ki, gec-tez bu amillərdən biri reallaşacaq: 

“Birincisi, tezliklə maliyyə bazarlarında kifayət qədər real olan bir korreksiya görə bilərik, yəni bunun üçün şərait yaradılıb. İkincisi, artıq əhəmiyyətli dərəcədə artım göstərmiş faiz dərəcələrindəki korreksiyaları istisna etmək olmaz, lakin indi yenidən aşağı istiqamətdədirlər. Üçüncüsü, dünya koronavirusun yayılmasının ağır nəticələrinə görə iqtisadi bərpa sürətindən məyus ola bilər. Qlobal iqtisadi bərpa bir çox analitikin gözlədiyindən daha uzun müddətə uzana bilər”.