Dünyanın iki ən böyük birja fondu ("ETF") təminatçısı olan "BlackRock" və "Fidelity" son iki gün ərzində 500 milyon dollardan çox dəyərində "Ethereum" alıb.

Valyuta.Az xəbər verir ki, "Arkham Intelligence" tərəfindən bu gün "X" platformasında paylaşılan məlumata görə, bu iki nəhəng fond "Coinbase Prime" vasitəsilə yarım milyard dollardan çox "Ethereum" əldə edib.

Bu alımlar, ABŞ Qiymətli Kağızlar və Birja Komissiyasının ("SEC") may ayında verdiyi təsdiqdən sonra hər iki şirkətin kripto portfellərini genişləndirmək məqsədilə daha aktiv addımlar atdığını göstərir.

"BlackRock" və "Fidelity"nin kripto bazarındakı mövqeləri

"BlackRock" tərəfindən təqdim edilən "iShares Ethereum Trust ETF" ("ETHA") ən böyük təminatçı kimi 2,93 milyard dollara qədər ümumi axın əldə edib. Bu məhsul, "Fidelity" ilə birlikdə, son 8 gün ərzində davamlı olaraq axın qəbul edib.

"Fidelity Ethereum Fund" ("FETH") isə ikinci ən böyük təminatçıdır və ümumi axını 1,35 milyard dollara çatdırıb. Ən böyük axın 10 dekabrda qeydə alınıb və bu zaman fonda 202 milyon dollar yatırılıb.

"BlackRock"un Ethereum strategiyası

Son dövrlərdə "BlackRock", "Ethereum" üçün spot "ETF" ticarət opsionlarını işə salmaq niyyətindədir. Bununla bağlı "Nasdaq" birjasında qeydiyyatda olan "ETHA" fondu üçün tənzimləyicilərdən icazə tələb edib.

Bu qərarın 2025-ci ilin aprelində "SEC" tərəfindən elan ediləcəyi gözlənilir. Ekspertlərin fikrincə, bu cür opsionların işə salınması üçün "Əmtəə Fyuçersləri Ticarət Komissiyası" ("CFTC") və "Opsionlar Klirinq Korporasiyası" ("OCC") kimi qurumların da təsdiqi tələb olunur.

Rəhim