Çinin kommersiya banklarının xalis mənfəəti bu ilin birinci yarısında illik müqayisədə 2,6% artıb.

Valyuta.az-ın məlumatına görə, ilin birinci yarısında kommersiya banklarının qeyd etdiyi xalis mənfəət illik müqayisədə 2,6 faiz artaraq 1 trilyon 300 milyard yuana çatıb, artım tempi isə əvvəlki ilin eyni dövrü ilə müqayisədə 4,5 faiz bəndi azalıb. 

Bundan əlavə, məlumat verilib ki, ilin ikinci rübündə Çində bank maliyyə qurumlarının yerli və xarici valyuta aktivlərinin ümumi məbləği illik müqayisədə 10,4 faiz artaraq 406 trilyon 200 milyard yuana çatıb. Məlumatlar onu da göstərir ki, iyunun sonuna sığorta şirkətlərinin aktivlərinin ümumi həcmi ilin əvvəli ilə müqayisədə 7,6 faiz artıb.

Kommersiya banklarının problemli kredit nisbəti bu ilin ikinci rübünün sonunda 1,62% təşkil edib.