ABŞ Nümayəndələr Palatası gələn həftə illik müdafiə qanun layihəsi üzrə səsvermə keçirəcək.

Valyuta.Az xəbər verir ki, bu qanun layihəsində ABŞ telekommunikasiya şirkətləri üçün Çin telekommunikasiya firmaları "Huawei" və "ZTE" tərəfindən istehsal olunan avadanlıqların ABŞ simsiz şəbəkələrindən çıxarılmasına 3 milyard dollardan bir qədər artıq məbləğ nəzərdə tutulur. Bu addım təhlükəsizlik risklərini aradan qaldırmağa yönəlib.  

Şənbə günü gecə yayımlanan 1,800 səhifəlik mətn Çinə qarşı digər tədbirləri də əhatə edir. Onların arasında ABŞ milli təhlükəsizlik qaydalarından yayınmağa dair Çin səylərinə aid hesabatın hazırlanması və Çinin biotexnologiya sahəsindəki mövcud potensialı ilə bağlı kəşfiyyat qiymətləndirməsi tələb olunur.  

Federal Rabitə Komissiyası ("FCC") təhlükəsiz olmayan avadanlığın çıxarılmasının təqribən 4.98 milyard dollara başa gələcəyini bildirib, lakin Konqres əvvəlcə "çıxar və əvəzlə" proqramı üçün yalnız 1.9 milyard dollar ayırmışdı.  

Vaşinqton müttəfiqlərinə "Huawei" və digər Çin avadanlıqlarını öz simsiz şəbəkələrindən çıxarmaq üçün israrlı çağırışlar edib.  

"FCC" sədri Cessika Rozenvorsel (Jessica Rosenworcel) keçən həftə ABŞ Konqresini təcili əlavə maliyyə ayırmağa çağırıb. O, bildirib ki, 126 operatorun şəbəkələrindəki avadanlığı əvəz etmək proqramında 3.08 milyard dollarlıq çatışmazlıq mövcuddur və bu, "həm milli təhlükəsizliyimizi, həm də bu şəbəkələrdən asılı olan kənd yerlərindəki istehlakçıların bağlantısını təhlükə altına qoya bilər".  

O, əlavə edib ki, maliyyə çatışmazlığı bəzi kənd şəbəkələrinin bağlanmasına səbəb ola bilər, bu isə "bəzi regionlarda yeganə provayderin fəaliyyətini dayandırması" və hətta 911 xidmətini təhdid edə bilər.  

Rəhim