Zəngilan rayonu, Ağalı kəndinin birinci fazasının ikinci mərhələsi və Ağalı kəndinin ikinci fazasının yenidənqurulması layihəsi çərçivəsində tikinti işləri həyata keçikriləcək.

Ölkə.az xəbər verir ki, Cəbrayıl, Qubadlı və Zəngilan Rayonlarında Bərpa, Tikinti və İdarəetmə Xidməti tikinti işləri ilə bağlı hazırlıqlara başlayıb.

243 fərdi yaşayış evi, 2 ədəd 2 mərtəbəli inzibati bina,  3 ədəd 3 mərtəbəli yaşayış binasının tikintisi “As İnşaat” MMC-yə həvalə olunub və şirkətlə 69 mln 840 min manat məbləğində müqavilə imzalanıb.

Həmçinin Zəngilan rayonu, Mincivan və Həkəri qəsəbələrinin layihələndirilməsi “Azin Construction” MMC-yə həvalə tapşırılıb və 2 mln 766 min manat ayrılıb.

Qeyd edək ki, Zəngilan rayonu Şərqi Zəngəzur iqtisadi rayonuna daxildir.