"Telegram"da reklam postlarının qiyməti artdı

Telegram kanallarında 2023-cü ildə bir reklam postunun orta qiyməti 2022-ci illə müqayisədə 30% artıb. 

Valyuta.az xəbər verir ki, bu barədə “Vedomosti” qəzeti “BeSeed” platformasının araşdırmasına istinadən yazır.

Müxtəlif mövzulu 567 Telegram kanalında reklam yerləşdirmələrinin qiymətlərinin təhlili göstərib ki, bu rəqəm 37 860 rubl təşkil edir.

Reklam qiymətlərində ən böyük artım daşınmaz əmlaka həsr olunmuş kanallarda müşahidə olunub, burada orta qiymət 49,4% artaraq 45,7 min rubl təşkil edib. Məsələn, 88 200 abunəçisi olan Real Estate Insights kanalında bir reklam postunun qiyməti 4 dəfə artaraq 200 000 rubla çatıb.

45 800 abunəçisi olan "Novostroyman" kanalında qiymət 2,1 dəfə artaraq 75 000 rubl təşkil edib. 44.600 abunəçisi olan Əmlak kanalı reklamın dəyərini 40% artıraraq 70.000 rubla çatıb.

Nicat