Apple sifarişlərin qəbuluna başladıqdan sonra ilk həftə sonu 180.000-ə qədər Vision Pro qulaqlıqları sata bilər. Bununla belə, bəzi istifadəçilər martın ortalarında əvvəlcədən sifariş edilmiş cihazları alacaqlar.

Analitik Ming-Chi Kuo bu yaxınlarda bildirib ki, Apple sifarişlər başlamazdan əvvəl cəmi 80 000 qulaqlıq istehsal edib (bu, şirkətin 1,2 milyard aktiv cihaz istifadəçisinin yalnız 0,007%-i deməkdir). O, cihazın tez bir zamanda satıla biləcəyini qeyd edib. 

Valyuta.az xəbər verir ki, onun Medium-dakı bloqunda açıqladığı yeni hesablamaya görə, Apple artıq iki dəfə çox qulaqlıq satıb.

“Öncədən sifariş inventarına və çatdırılma müddətlərinə əsasən hesab edirəm ki, Apple öncədən sifarişlə həftə sonu ərzində 160.000-180.000 ədəd Vision Pro satdı. Gözlənildiyi kimi, Vision Pro əvvəlcədən sifarişlər açıldıqdan dərhal sonra satılıb”, - Ming-Chi Kuo bildirir.

MacRumors yazır ki, Vision Pro 2 fevral cümə günü ABŞ-da mağazalarda satışa çıxarılacaq, lakin indi onlayn olaraq əvvəlcədən sifariş verənlər martın ortalarına qədər hər üç yaddaş ölçülü versiyada qulaqcığı almayacaqlar. Öncədən sifarişlərin artması ilə çatdırılma müddətlərinin daha da geri çəkiləcəyi proqnozlaşdırılır.

Analitik qeyd edib ki, ilkin sifarişlər açıldıqdan iki gün sonra çatdırılma tarixləri dəyişməz qalıb ki, bu da cihaza potensial olaraq aşağı tələbi göstərə bilər.

"Bu, əsas azarkeşlər və ağır istifadəçilər sifariş verdikdən sonra tələbin sürətlə azala biləcəyini göstərir", - Kuo deyib.

Kuo, Apple-ın hələ də ilin sonuna qədər 500 min ədəd satış həddinə çata biləcəyini proqnozlaşdırır. Ancaq o, "Vision Pro hələ də çox niş* məhsuldur" deyir. (Niş məhsul müəyyən bir dar istehlakçı qrupu üçün nəzərdə tutulmuş məhsul və ya xidmətdir. Onlar geniş auditoriyaya yönəlmiş kütləvi məhsullardan fərqlənirlər. Niş məhsullarına misal olaraq əl istehsalı əşyalar, ekoloji təmiz məhsullar və ya xüsusi xidmətlər ola bilər. – Qaynar.)

Bloomberg-in köşə yazarı Mark Qurman oktyabr ayında fərz edib ki, Apple daha sonra 1500-2500 dollar arasında qiymətə daha ucuz Vision Pro modelini buraxa bilər.

Xatırladaq ki, Apple şirkəti özünün Vision Pro genişlənmiş reallıq eynəklərini 2023-cü ilin iyununda – WWDC 2023 beynəlxalq sərgisi zamanı elan etmişdi. Artıq iyul ayında şirkətin qulaqlıq istehsal planını əhəmiyyətli dərəcədə azaltmaq məcburiyyətində qaldığı barədə məlumatlar ortaya çıxdı.

Fevralın 2-dən etibarən cihaz ABŞ-dakı mağazalarda satışa çıxarılacaq. 3,499 dollara istifadəçilər hər bir göz üçün 4K displeyli və əlavə reallıq (AR) və virtual reallıq (VR) arasında keçid imkanı olan qacet əldə edəcəklər. Tanınmış analitik Ming-Chi Kuonun fikrincə, cihaz iyun ayında keçiriləcək WWDC 2024 tərtibatçı konfransı öncəsi bütün dünya üçün əlçatan olacaq.

Nicat