“MET-AK” MMC barəsində inzibati protokol tərtib olunub.

Valyuta.az xəbər verir ki, şirkət İnzibati Xətalar Məcəlləsinin 485.2-ci (Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdən əvvəl elektron formada verilməməsi) maddəsi ilə ittiham olunur.

İş baxılması üçün Nərimanov Rayon Məhkəməsinə göndərilib. 485.2-ci maddədə vəzifəli şəxslər min manat məbləğində, hüquqi şəxslər min beş yüz manat məbləğində cərimə edilir.

“MET-AK” şirkəti 1997-ci ildən fəaliyyət göstərir. 2000-ci ildən şirkətin istehsalat sexlərində müxtəlif metallardan döymə məmulatlar, 2003-cü ildən polad boru kəməri elementləri (dirsək və keçidlər), 2005-ci ildən isə müxtəlif təyinatlı tikinti-quraşdırma işləri üçün nəzərdə tutulmuş tikinti işkələləri və dirəkləri və polipropilen xammalından hazırlanan plastik boru və fitinqlərin istehsalına başlanılıb.

Hüseyn