Azərbaycan Respublikası Nazirlər Kabinetinin 2013-cü il 18 fevral tarixli 26 nömrəli qərarı ilə təsdiq edilmiş mallardan dövlətin xeyrinə imtina edilməsi qaydasının 2-ci bəndində bu hallar göstərilib.

Valyuta.az Dövlət Gömrük Komitəsinə istinadən xəbər verir ki, həmin bəndə əsasən Azərbaycan Respublikası ərazisinə gətirilməsi qadağan edilən, dövlətin xeyrinə imtina edilməsi dövlət üçün hər hansı xərcə səbəb ola bilən, dəyəri gömrük orqanlarının onların satılması ilə bağlı xərclərini ödəyə bilməyən, yararlılıq müddəti keçmiş və ya texniki normaların və standartların tələblərinə cavab verməyən mallardan dövlətin xeyrinə imtina edilə bilməz.

Qeyd edək ki, mallardan dövlətin xeyrinə imtina edilməsi qaydasının əlavəsində göstərilən mallardan da dövlətin xeyrinə istifadə edilməsinə icazə verilmir.

Əvəz Həsənov