İki rayon və bir şəhərdə qaz olmayacaq
Bu gün Daşkəsən, Göygöl rayonları və Gəncə şəhərinin qaz təchizatında fasilə yaranacaq.
Bu barədə Valyuta.az-a Azərbaycan Dövlət Neft Şirkətinin (SOCAR) “Azəriqaz” İstehsalat Birliyindən məlumat verilib.
Bildirilib ki, “Qaz İxrac” İdarəsinə məxsus “Daşkəsən-Xoşbulaq” magistral qaz kəməri qolunun 0-cı km-də kranın demontaj olunaraq əvəzinə yeni kranın quraşdırılması ilə bağlı oktyabrın 25-də saat 10:00-dan etibarən işlər başa çatanadək “Gəncə Körpü Tikinti-2”, “Bağmanlar” və “Daşkəsən” Qaz Paylayıcı Stansiyalarından, “Bayan” və “Xoşbulaq” Qaz Tənzimləmə Məntəqələrindən qaz təchizatının dayandırılması planlaşdırılır.
Təmir işləri aparılan müddətdə Daşkəsən rayonunun tam olaraq, Gəncə şəhərinin və Göygöl rayonunun bir hissəsinin qaz təchizatında müvəqqəti fasilə yaranacaq.
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay