Son zamanlar qlobal neft emalı sənayesi dizel yanacağı istehsalında artan çətinliklərlə üzləşir. ABŞ-da dizel yanacağı fyuçersləri 140 dollara çatıb. Eyni dövrdə Avropa İttifaqında da dizelin qiyməti 60 faiz artıb.

Görəsən, dizelin dünya miqyasında qiymət artımının Azərbaycana nə kimi təsirləri var? 

Neft-qaz məsələləri üzrə ekspert İlham Şaban Valyuta.az-a açıqlamasında bildirib ki, dizel yanacağı üzrə qiymət artımının Azərbaycana müsbət mənada təsirləri var:

“Dizel yanacağı üzrə qiymət artımı neftin qiymətinin bahalaşması ilə bağlıdır. Bir müddət bundan əvvəl neftin bir barrelinin qiyməti 72-73 dollar idi. İndi isə 96 dollara çatıb. Deməli, 30 faizdən çox bahalaşma var. Bu isə özünü sözsüz ki, neft məhsullarının qiymətində də göstərməlidir. Çünki şirkətlər neft məhsullarını bazar iqtisadiyyatına uyğun olaraq kommersiya müqavilələrilə alır və satırlar. 

Dizel yanacağının qiymətinin bahalaşmasının Azərbaycana isə hər hansı bir təsiri yoxdur. Azərbaycan dünya bazarına yanacaq satmır. Onu yalnız qonşu ölkələrin bazarlarında satırıq. Hər halda, dizel yanacağının bahalaşmasının ölkəmizə müsbət mənada təsiri var. Azərbaycan bu ilin 8 ayına görə ötən ilin anoloji dövrü ilə müqayisədə neft məhsulları satışından kifayət qədər qazanc götürüb. Deməli, dizel yanacağının artan qiymətindən ölkəmiz qazanıb. Amma daxili bazarda bunu hiss etmirik. Çünki xaricdən dizel yanacağı almırıq. A-95, A-98 alırıq. Onun qiymətləri isə artır. Bu da ölkəmizə dolayısı ilə çox olmasa da, ancaq təsir edir”.

Ramiz